وصلت و كما هو مخطط بحثت عن القطار الاكسبريس الذى سيوصلنى الى وسط لندن . وجدتة بسهولة. كل شىء موضح باللوحات الارشادية . ركبت القطار وجدت عند كل بوابة ارفف للحقائب لكى لاتدخل بها وتعمل لك ازعاج . ما لفت نظرى خلال ثلث ساعة انة لايوجد خردة على جانبى خط القطار ، والمبانى على الجانبين ليس بها ثراء ولكن بها تناسق.
عندما تصل للمحطة المركزية فى .. وهى محطة يصل اليها قطار من المطار وبها مترو الانفاق ، واتوبيسات وعاملة كدة زى المطار منها تقدر تروح اى مكان فى انجلترا وجميع الارضيات بها منحدرات للشنط يعنى لا تضطر ابدا لحمل حقيبة السفر لترفعها فوق الرصيف النصف متر الموجود فى شوارعنا. المهم سالت عن بيع تذاكر اويستر و هى تذكرة شاملة تسطيع ان تركب بها اى مواصلة عامة لاى مكا طوال اسبوع ، وهى مخصصة للمسافرين امثالى و طبعا كنت عارفة الموضوع دة من الموقع الاكترونى ايضا. اشتريت التذكرة ، وصعدت ابحث عن الاتوبيس الذى ساذهب بة الى المتحف البريطانى .
وصل واول ما تطلع يوجد مكان تضع تذكرتك الاكترونية علية لايوجد كمسارى ولاتذاكر ورق . حاولت طبعا اشوف الناس بتعمل اية و اتلخبط شوية اضع اى وجة من التذكرة و السواق ساعدنى . اول ما دخلت لقيت مكان مرتفع توضع علية الشنط (برضة) ، واهم حاجة لما الاتوبيس وقف لقيت ان مستوى ارضية الاتوبيس هو نفس مستوى الرصيف ّّ ، و الاتوبيس بيقف بينة و بين الرصيف لايزيد عن 10-20 سم . طبعا لراكبى اتوبيسات و ميكروباسات مصر تعتبر هذة الاشياء من العجائب لان اكتر اتوبيس عندنا يقرب من الرصيف بيكون على بعد 3 متر (1,5 للسيارة الراكنة ، ومتر و نصف للناس الواقفة فى عرض الشارع تنتظر الاتوبيس) وبعدين الاتوبيس ياخد المترين اللى فاضلين من الشارع و العربيات اللى وراة كلها تقف تزمر .
لكن هناك وسبحان اللة مكان محطة الاتوبيس يوجد دخلة للرصيف بمسار لدخول وخروج الاتوبيس و العربيات تركن بعد هذا المسار بمسافة كافية .
و الاتوبيس اول ما يوصل لعدد شبة مزدحم يتم غلق الباب و لايسمح بالدخول لاخرين . ودة لان كل 5 دقائق تقريبا يوجد اتوبيس. والناس الباقيين بتقف طابور فى المحطة لما يكونوا كثيرين ؟؟؟ و لايتدافعون .المهم وصلت بسهولة الى محطة ... وسالت على المتحف ودلونى علية
ليست هناك تعليقات:
إرسال تعليق